FLASH
Shkruar nga Pamfleti
Ministri i Mbrojtjes i Kosovës, Ejup Maqedonci ka deklaruar se qeveria e Kosovës ka siguruar prova dhe fakte që vërtetojnë se ajo që ndodhi të dielën në Banjskë ishte një plan i mirëorganizuar ushtarak për të pushtuar një pjesë të territorit në veri të Kosovës.
Në një intervistë për emisionin ‘Review’ në ‘Euronews Albania’, Maqedonci u shpreh se ai që në fillim u perceptua si një sulm terrorist, rezultoi në fakt një plan ushtarak që do të zbatohej gradualisht nga njësi paraushtarake të ndihmuara drejtpërdrejtë nga shteti dhe ushtria serbe.
“Në fillim është dukur si një sulm terrorist, por pas gjetjes së armatimit dhe dokumente rezulton se është një plan i mirëfilltë ushtarak që është dashur të zbatohet nga njësi paraushtarake të ndihmuara nga shteti serb. Planet që hanë gjetur kanë shenja teknike tërësisht ushtarake, armët kanë qenë për të qëndruar më gjatë, për t’u mbrojtur me qëllim final pushtimin e një pjese të veriut të Kosovës. Janë armë që përdoren nga ushtri të ndryshme, të gjitha të prodhuara në republikën e Serbisë që nuk janë armë që i shiten individëve por janë të destinuara për ushtrinë që duan një aprovim shtetëror për shitjen e tyre. Ndaj ushtria serbe i ka sponsporizuar dhe i ka ndihmuar në gjithë operacionin”, tha ministri.
Lini një Përgjigje