FLASH
Shkruar nga Pamfleti
Ish-Presidenti i Kosovës, Hashim Thaçi ka lënë qelinë për disa orë dhe ka shkuar në Kosovë pasi Gjykata Speciale ka plotësuar kërkesën e tij.
Mësohet se shkak për lirimin e Thaçit për disa orë ka qenë gjendja e rënduar shëndetësore e nënës së tij.
Nëna e ish-presidentit Thaçi ka dalë një ditë më parë nga QKUK-ja, ku ishte trajtuar 5 ditë radhazi. Ajo tani është duke u trajtuar nga mjekët në shtëpi.
Vizitën e Thaçit në Kosovë e ka konfirmuar edhe zyra e shtypit e Gjykatës Speciale.
“Për shkak të arsyeve humanitare, Trupi Gjykues ka udhëzuar Sekretarin që të menaxhojë një vizitë paraburgimi në Kosovë për Hashim Thaçin për të takuar familjen. I akuzuari mbetet në paraburgim nga Dhomat e Specializuara. EULEX-i dhe Policia e Kosovës po mbështesin Dhomat e Specializuara të Kosovës”, thuhet në reagimin e tyre.
Lini një Përgjigje