FLASH
Shkruar nga Pamfleti
Tre persona kanë humbur jetën dhe pesë të tjerë janë plagosur si pasojë e një aksidenti tragjik mbrëmjen e sotme në aksin rrugor Mitrovicë-Pejë në Kosovë.
Mësohet se në aksident janë për përfshirë dy automjete, njëra prej të cilave i policisë. Ndërsa katër prej të lënduarve janë punonjës policie.
Lajmin e ka bërë të ditur kryetari i Komunës së Skenderajt, Fadil Nura, i cili i ka shprehur ngushëllime familjeve të viktimave.
“Sonte rreth orës 18:40, është raportuar për aksident trafiku me pasoja fatale, i cili ka ndodhur në rrugën rajonale Mitrovicë-Pejë, segmenti rrugor në fshatin Çubrel të Skenderajt. Në këtë aksident janë përfshira dy vetura, njëra prej tyre veturë zyrtare e policisë. Si pasojë e aksidentit, bazuar në informacionet e siguruara kanë humbur jetën tre persona civil, përderisa lëndime kanë pësuar edhe pesë persona tjerë, katër prej tyre zyrtarë policor.
Njësitë policore dhe stafi menaxhues kanë dalë në vendin e ngjarjes, ndërsa për hetimet dhe shkaqet e aksidentit po merren hetuesit e njësitit rajonal të trafikut rrugor”, thuhet në njoftimin e policisë.
Lini një Përgjigje