FLASH
Shkruar nga Pamfleti
Që në momentin që Donald Trump u zgjodh president i SHBA-ve në nëntor të 2024-ës, flitej se për Kosovën do të vinin ditë të vështira. Kjo për shkak të afërsisë që presidenti serb, Aleksandër Vuçiç kishte krijuar prej kohësh me një nga njerëzit e afërt të Trump, Richard Grenell, por edhe për shkak të lejeve të investimeve që Jared Kushner ka marrë në Beograd.
Tani këto zëra po bëhen realitet. Është pikërisht i përzgjedhuri i presidentit amerikan Donald Trump për Misione të Posaçme, Richard Grenell, i cili i ka dhënë goditjen e parë krymeinistrit të Kosovës, Albin Kurti disa javë para zgjedhjeve.
Me anë të një postimi në rrjetin “X”, Grenell ka akuzuar kryeministrin e Kosovës, Albin Kurti, se i ka sjellë raportet Kosovë-SHBA në pikën më të ulët, teksa thekson faktin se Kurti ishte mbështetës i Biden.
The U.S. relationship with Kosovo suffered during Joe Biden’s presidency.
— Richard Grenell (@RichardGrenell) January 23, 2025
Biden’s State Department and White House criticized Kurti’s actions and inability to grow Kosovo’s economy.
Kurti picked political fights and took unilateral action. He brought Kosovo-U.S. relations to… https://t.co/63RXn8r1hH
“Marrëdhëniet e SHBA me Kosovën vuajtën gjatë presidencës së Joe Biden. Departamenti i Shtetit i Bidenit dhe Shtëpia e Bardhë kritikuan veprimet dhe paaftësinë e Kurtit për të rritur ekonominë e Kosovës. Kurti zgjodhi grindjet politike dhe ndërmori veprime të njëanshme. Ai i solli marrëdhëniet Kosovë-SHBA në pikën më të ulët. Ai u dënua nga liderët evropianë, NATO dhe ekipi i Joe Biden. Kurti mbështeti Joe Biden dhe Kamala Harris dhe megjithatë ai ishte ende i kritikuar nga ata”, shkruan Grenell.
Ndërkohë që në postimin e tij, ka shpërndarë shkrimin e Kurtit të 22 korrikut të vitit të shkuar për vendimin e Joe Bidenit për largim nga gara për president në SHBA.
Kujtojmë se Grenelli në mandatin e parë të Trumpit ka qenë emisar i SHBA-së për dialogun Kosovë–Serbi.
Më 4 shtator 2020 i shtyu palët drejt arritjes së marrëveshjes për normalizim ekonomik. Pjesë e saj ishte dhe njohja e Kosovës nga Izraeli, por që shumica e pikave të tjera nuk janë zbatuar.
Lini një Përgjigje