FLASH
Shkruar nga Pamfleti
Kreu i LDK-së, Lumir Abdixhiku, tha se rezultati zgjedhor nuk është ai që ka pritur. Ai theksoi se ky është moment i një “reflektimi të thellë” dhe i përgjegjësisë politike.
Në bazë të numërimit të 95 për qind të votave, LDK-ja është e treta me 13.80 për qind të votave. Kjo parti kishte 18 për qind të votave në zgjedhjet e 9 shkurtit të këtij viti.
Abdixhiku tha se shumë shpejt do të thërrasë Kuvendin e partisë, duke mos e përjashtuar as mundësinë e dorëheqjes së tij nga kreu i LDK-së.
“Të gjitha janë në diskutim në Kuvendin e Përgjithshëm, natyrisht edhe dorëheqja, pa diskutim”, tha ai.
Lumir Abdixhiku, i cili udhëheq me LDK-në që pesë vjet, uroi fituesin e zgjedhjeve, Albin Kurtin dhe theksoi se vendi meriton stabilitet.
“E uroj fituesin, sepse Kosova ka nevojë për demokraci funksionale”, deklaroi ai.
Lini një Përgjigje