FLASH
Shkruar nga Pamfleti
Presidentja e Kosovës, Vjosa Osmani, ka përkujtuar 27-vjetorin e nisjes së bombardimeve të NATO-s ndaj objektivave serbe, duke e cilësuar ndërhyrjen si një moment vendimtar për mbijetesën dhe lirinë e popullit të Kosovës.
Përmes një postimi në Facebook, ajo rikujtoi situatën dramatike të vitit 1999, duke theksuar se vendi përballej me rrezik ekzistencial.
“27 vjet më parë, kur populli i Kosovës përballej me shfarosje nga Serbia gjenocidale, NATO veproi. Kosova nuk harron. Aleancat që mbrojnë lirinë duhet t’i ruajmë po aq sa vetë lirinë”, shkroi Osmani.
Në mesazhin e saj, presidentja publikoi edhe një video historike të ish-presidentit amerikan Bill Clinton, i cili në atë kohë mbështeti ndërhyrjen ushtarake si të domosdoshme për të ndalur spastrimin etnik dhe dhunën ndaj shqiptarëve të Kosovës.
Lini një Përgjigje