FLASH
Shkruar nga Pamfleti
Kreu i Grupit Parlamentar, Gazment Bardhi thotë se PD po futet në një ngërç të ri me zgjedhjet e njoftuara për zgjedhjet e kryetarit të ri.
Në një lidhje të drejtpërdrejtë me studion e Tirana Live, Bardhi u shpreh se është statuti i partisë që duhet t’i japë zgjidhje çdo situate.
“Pa asnjë diskutim nëse interesi i gjithësecilit është interesi i PD, çdo situatë është e zgjidhshme. Shqetësuse për momentin është fakti se mund të ndodh dhe po ndodh që partia të futet në një ngërc të ri. Kam bërë maksimumimin për të zbatuar statutin.
Është ai që duhet ti japë zgjidhje çdo situate. Duhet të kemi të njëjtin mendim, statuti është i njëjtë.”u shpreh Bardhi.
Ai gjithashtu foli mbi mbledhjen e njoftuar për ditën e nesërme ku theksoi se nuk është në dijeni për këtë.
“Nuk e kam parë njoftimin që ka bërë një pjesë e kolegëve, nuk kam dijeni.kam kërkuar mbledhje kryesie me rend dite thirrjen e mbledhjes së këshillit kombëtar. Deri tani nuk kam një përgjigje, kolegët kanë gjykuar për një mbledhje tjetër, kërkesa nuk është marrë në konsideratë. Sa kohë statute na detyron të mbledhim këshillin, çdo cështje tjetër thjesht fut në ngërc situatën ku ndodhet PD. Bëj thirrje për reflektim përgjegjshmëri. Çdo process në gjendjen ku ndodhet PD duhet të sjellë forcimin e PD, jo të thellojë përcarje e ndasi. Nuk ka të bëjë me emra të përvetshëm, statuti më ngarkon me pergjegjësinë e organizimit të partisë.” vijoi më tej Bardhi.
Lini një Përgjigje