FLASH
Shkruar nga Pamfleti
Deputeti i Partisë Demokratike, Ervin Salianji gjatë një takimi me demokratët në Tropojë, e nisi fjalën e tij duke thënë se partia është në një proces dhe i ka dhënë fund debateve të brendshme.
Salianji theksoi se do të bëjnë çmos që ky të jetë viti i fundit i Edi Ramës në pushtet.
“Ne sot jemi në një proces, ku i kemi dhënë fund të gjitha debateve të brendshme, që ka çuar ujë në mullirin e Edi Ramës.
Nisur nga gjithçka ka ndodhur, ne drejtuesit e PD, kush me shumë e kush më pak duhet të kërkojë falje për atë që ka prodhuar për demokratët.
Demokratët sot janë me më shumë entuziazëm dhe besim për fitoren në vitin 2025. Po hymë në vitin e fundit të qeverisjes së Ramës dhe do të bëjmë të pamundurën që ky të jetë viti i fundit i tij dhe sektit të tij në qeverisje”, tha ndër të tjera Salianji.
Lini një Përgjigje