FLASH
Shkruar nga Pamfleti
Deputeti i Partisë Demokratike Asllan Dogjani, ka dënuar ashpër deklaratën e kryeministrit Edi Rama se “veriu i Kosovës është tokë e askujt”.
Gjatë fjalës së tij në Kuvend, Dogjani u shpreh se kjo deklaratë ka vulosur qëndrimin e Ramës në lidhje me Kosovën dhe i kërkoi Albin Kurti shpalljen non grata të Ramës dhe ndalimin e hyrjes së këtij të fundit në tokën kosovare.
“Situata që po kalon Kosova do të kërkonte që kryeministri shqiptar të ishte sot në këtë seancë sot sepse ka kohë që ne kemi vënë re që kryeministri injoron parlamentin. Deklaratat që bën kryeministri kudo që shkon e kanë dëmtuar Kosovën. Por deklarata a djeshme që veriu i Kosovës është tokë e askujt vulos njëherë mirë qëndrimin e Edi Ramës ndaj Kosovës.
Dua t’i them që veriu i Kosovës është tokë shqiptare, për atë tokë janë vrarë 1500 fëmijë. Duhet të dënojmë sulmin që bënë terroristët serbë në veri të Kosovës ku u vra polici Afrim Bunjaku me qëllim aneksimin e veriut të Kosovës.
Ky njeri ose nuk e do Kosovës ose është i kapur nga Vuçiç. Ndaj ose duhet ta ndalojmë të flasë për Kosovën ose kryeministri i Kosovës ta shpallë non grata, ta ndalojë të hyjë në Kosovë”, u shpreh Dogjani.
Lini një Përgjigje