FLASH
Shkruar nga Pamfleti
Parti Demokratike ka ankimuar në Gjykatë Kushtetuese vendimin për zgjedhjen e Avokatit të Popullit.
PD pretendon se zgjedhja e Endri Shabanit është në shkelje të kushtetutës dhe rregullores së kuvendit.
Ajo kërkon shfuqizimin e votimit në kuvend për zgjedhjen e Avokatit të Popullit.
Po ashtu, PD kërkon pezullim të ushtrimit të detyrës nga Endri Shabani deri sa Gjykata Kushtetuese të shprehet.
Pavarësisht kundërshtimeve të opozitës, Endri Shabani u zgjodh Avokat i Popullit me 85 vota pro në Kuvend, në një seancë plenare që u bojkotua nga opozita.
Endrit Shabani u zgjodh Avokat Populli më 11 dhjetor të vitit të shkuar, me 85 vota pro, të ardhura nga socialistët dhe socialdemokratët, ndërsa deputetët e Partisë Demokratike, edhe pse 35 prej tyre i dhanë firmat që të ishte kandidat, e braktisën votimin që në fillim.
Ai u betua me 18 dhjetor në një seancë të tensionuar në Kuvend.
Teksa deputetët e opozitës kishin zënë një pjesë të ulëseve të ministrave, Shabani bëri betimin nga krahu tjetër, ndërsa pasi tha “Betohem”, i dhuroi edhe një puthje dhe u largua nga salla me shpejtësi.
Opozita, e cila në fakt kishte dhënë firmat për kandidaturën e Shabanit për këtë post, pretendoi se firmat ishin vetëm për paraqitjen e kandidaturës në Komision, jo për ta futur për votim në Parlament.
Edhe pse i tërhoqi format, PS e kaloi kandidaturën e Shabanit në seancë dhe e votoi.
Lini një Përgjigje