FLASH
Shkruar nga Pamfleti
Avokati Spartak Ngjela ka komentuar iniciativën e kryeministrit për të ndërtuar një shtet bektashi në vend, si stili i Vatikanit për të promovuar tolerancën fetare.
Ngjela e konsideroi këtë nismë të gabuar, duke theksuar se Kushtetuta jonë nuk e lejon dhe se është vepër penale në shkelje të ligjeve.
“Rama po gabon. Nëse nuk e kuptoni, një referendum. Por edhe referendumi është i paligjshëm. Është absolutisht dhe e gabuar dhënia dhe territorialiteti.
Territoret nuk jepet, është pronë dhe popullit.
Kushtetuta dhe ligji nuk e lejon, nëse do të kryhet është vepër penal. Arrestohen edhe nëse e diskutojnë në Parlament. Nuk mund ta realizojmë sipas shembullit të Vatikanit. Nuk mund të ketë shtet brenda shtetit në Shqipëri. Që të vijë gjithë bota arabe këtu. Nuk dhe lejon si momentet tona, si shtet juridik. Nuk ka asnjë të drejtë të territorialit, është krim në Kod Penal. Menjëherë këto çështje e merr SPAK në dorë, arrestohen të gjithë që përfshihen në nismë.
Rama si duket nuk është këshilluar për këtë çështje”, tha avokati.
Kryeministri Edi Rama synon të ndërtojë një shtet të stilit të Vatikanit për bektashinjtë në Shqipëri, si një mënyrë për të promovuar tolerancën fetare.
Nëse një plan i tillë bëhet realitet, do të kemi në Tiranë shtetin më të vogël në botë. Në një artikull për këtë temë, New York Times thotë se shteti i ri do të jetë një enklavë sovrane e stilit të Vatikanit që do të kontrollojë territorin me madhësinë e pesë blloqeve të qytetit të Nju Jorkut dhe do të lejojë alkoolin, t’i lejojë gratë të veshin çfarë të duan dhe të mos imponojnë rregulla të stilit të jetesës.
“Zoti nuk ndalon asgjë; prandaj na dha mendjen”, tha kleriku Edmond Brahimaj, i njohur nga ndjekësit si Baba Mondi, duke shpjeguar se si synon të sundojë mbi një copë toke prej 10 hektarësh që Shqipëria dëshiron ta kthejë në një shtet sovran me administratën dhe kufijtë e saj.
Kryeministri shqiptar tregon se në të ardhmen e afërt do të shpallë planet për entitetin, që do të quhet Shteti Sovran i Urdhrit Bektashi.
“Të gjitha vendimet do të merren me dashuri dhe mirësi”, tha Baba Mondi, i cili nderohet nga miliona në mbarë botën me titullin e tij zyrtar, Shenjtëria e Tij Haxhi Dede Baba. Ai është udhëheqësi kryesor i Bektashinjve, një rend sufi shiit i themeluar në shekullin e 13-të në Turqi, por tani me qendër në Shqipëri.
Lini një Përgjigje