FLASH
Shkruar nga Pamfleti
Ja emrat me të cilët PS garon në zgjedhjet e 9 nëntorit...
Partia Socialiste ka zyrtarizuar kandidatët për zgjedhjet e pjesshme në 6 bashkitë e vendit. Teksa për Tiranën ishte zyrtarizuar Ogerta Manastirliu, në 5 bashkitë e tjera u vendos në mbledhjen e Kryesisë.
Pas mbledhjes, drejtuesit e qarqeve zbuluan emrat e kandidatëve. Mirela Kumbaro ishte ajo që njoftoi se Gramoz Sako do të jetë kandidat për Bashkinë e Tepelenës. Ai ka qenë ish-drejtues i Gardës së Republikës, por dha dorëheqjen një vit më parë.
Blendi Klosi ishte ai që njoftoi se në Mat do të kandidojë Altin Bojni. Ndërsa për Beratin emrin e njoftoi ish-kryetari Ervin Demo. Sipas tij, kandidat është Ervin Ceca.
Në Vlorë, kandidate do të jetë Brunilda Mersini, e cila u zgjodh deputete më 11 maj. Në Cërrik, PS do të kandidojë Florenc Dokën.
Nga emrat në fjalë, surprizë ishte Vlora. Në bashkitë e tjera u zgjodhën emrat që përfliteshin, ndërsa në qytetin bregdetar Rama vendosi të dërgojë dikë të besuar. Mersini ishte kandidate më 11 maj dhe u zgjodh deputete. Ajo është mjeke obstetër-gjinekologe. Ajo gjithashtu ka kryer studime dhe kualifikime jashtë vendit.
Edhe kandidimi i Gramoz Sakos ishte disi i habitshëm. Vëllai i tij është marrë në pyetje nga SPAK para se ai të jepte dorëheqjen nga Garda. Madje ka pasur akuza se ka dalë te përgjimet e Sky ECC. Por Rama i ka besuar një tjetër rol. Tani mbetet të shohim se cilët do të jenë kandidatët e opozitës.
Kandidatët e PS
Bashkia Tiranë- Ogerta Manastirliu
Bashki Mat- Altin Bojni
Bashkia Berat- Ervin Ceca
Bashkia Vlorë- Brunilda Mersini
Bashkia Cërrik- Florenc Doka
Bashkia Tepelenë- Gramoz Sako
Po ai inxhinjeri i Vlores vajti per lesh????