FLASH
Shkruar nga Pamfleti
Deputeti demokrat Flamur Noka ka dhënë detaje nga protestat që do të zhvillohet nesër para Gjykatës së Lartë, aty ku do të diskutohet mbi “vulën e PD”. Ai kërcënoi se nëse “vula” do t’i jepet Bashës, aksioni opozitar do të intensifikohet edhe më shumë.
Përballja e vetme, tha ai është përballja dhe mosbindja civile deri në gjunjëzimin e këtij regjimi.
“Nesër do protestojnë në orën 9 para Gjykatës së Lartë. Gjykatat politike të regjimit autokratik prej dy vitesh ja kanë lënë vulën paligjshmërisht me urdhër politik të Edi Ramës.
Në rast se regjimi do vazhdojë me urdhra politik për të mbajtur peng apo të rrëmbyer simbolet tona, ne do ta përshkallëzojmë përsëri betejën tonë dhe asgjë nuk do na ndalojë në këtë rrugë. Rruga jonë është pa kthim, përballje dhe mosbindje civile deri në gjunjëzimin e këtij regjimi.
Ne kemi vendos mosbindjen civile. Ka tre muaj që mos bindja civile është demonstruar në Parlament. Tani mosbindja civile po zbret në bazë. Këto reagim, protestat janë fillimet e mosbindjes civile. Se kur do protestojmë para SPAK do ta përcaktojmë, por nëse do protestojmë para xhelatëve të tokës së pushkatimit të identitetit të PD. Dekretin e pushkatimit e ka firmosur Rama. Por a do mund ta pushkatojnë? Të jenë të sigurt që jo. Nëse është një nga ditët që ne do tregojmë që nuk mund ta na rrëmbejnë identitetin tonë”, tha Flamur Noka për “News24”.
Lini një Përgjigje