FLASH
Shkruar nga Pamfleti
Ambasada e SHBA në Tiranë ka paralajmëruar se mund të ketë dhunë dhe incidente në protestën e thirrur nga Sali Berisha, ditën e diel.
Ambasada e Shteteve të Bashkuara në Tiranë u ka kërkuar qytetarëve amerikanë në Shqipëri që të shmangin zonat ku pritet të zhvillohet protesta e paralajmëruar më 22 mars nga Partia Demokratike.
Protesta është planifikuar të nisë në orën 18:00 pranë godinës së Kryeministrisë, në segmentin e Bulevardit “Dëshmorët e Kombit” mes Sheshit “Nënë Tereza” dhe Sheshit “Skënderbej”. Autoritetet parashikojnë që tubimi të shtrihet edhe në zona të tjera përreth.
Ambasada paralajmëron për prani të shtuar të forcave të rendit, bllokim rrugësh dhe ndërprerje të qarkullimit para dhe gjatë zhvillimit të protestës. Personeli i saj ka marrë udhëzim të shmangë pjesëmarrjen dhe afërsinë me tubimin.
Sipas njoftimit, grumbullimet e mëdha mund të ndryshojnë shpejt nga paqësore në të tensionuara. Për këtë arsye, qytetarëve u kërkohet të tregojnë kujdes, të ndjekin informacionet nga autoritetet vendore dhe të shmangin lëvizjet e panevojshme në zonat e prekura.
Ambasada thekson se siguria personale duhet të mbetet prioritet gjatë qëndrimit në qytet.
“Një protestë është planifikuar të zhvillohet të dielën, më 22 mars 2026, në orën 18:00. Protestuesit planifikojnë të mblidhen pranë godinës së Kryeministrisë, e cila ndodhet në Bulevardin “Dëshmorët e Kombit”, mes Sheshit “Nënë Tereza” dhe Sheshit “Skënderbej”. Protesta mund të zgjerohet edhe në zonat përreth. Pritet prani e shtuar e policisë, mbyllje rrugësh dhe ndërprerje të trafikut në orët para dhe gjatë zhvillimit të protestës. Personelit të Ambasadës së SHBA-së i është këshilluar të shmangë protestën. Ndiqni mediat lokale dhe zbatoni udhëzimet e autoriteteve vendore për informacionet më të fundit.
Ndërsa protestat dhe grumbullimet e mëdha shpesh fillojnë në mënyrë paqësore, situata mund të ndryshojë shpejt. Protesta mund të zgjerohet në rrugët dhe ndërtesat qeveritare përreth, duke shkaktuar ndërprerje të trafikut, devijime dhe mbyllje rrugësh. Udhëzimi ynë i përhershëm është të shmangni zonat e protestës. Nëse ndodheni në qytet, qëndroni vigjilentë dhe jepni përparësi sigurisë suaj personale”,- bën thirrje ambasada amerikane.
Po zonja Amerike që ben sehir e nuk u tregon vendin harbuterve cfare kerkon, mos do gjithë Shqiperine bashke me Sazanin prone të saj që të shuhen sherret? Ç’them edhe une tere jeten sherr e luftra e bomba kane hedhur. Oh sa keq, më qene Shqiptar!
Sali CARI, do te perserisi 97