FLASH
Shkruar nga Pamfleti
Presidenti i Partisë së Lirisë Ilir Meta dhe Sekretari i Përgjithshëm i Partisë Demokratik Flamur Noka, u takuan ditën e djeshme ku u diskutua në lidhje me zgjedhjet e vitit të ardhshëm.
Diskutimet u përqendruan në faktin se sa kandidatë të PL-së do të jenë në listat e Partisë Demokratike.
I pyetur për një koalicion të mundshëm me PL-në, ish kryeministri Sali Berisha u shpreh për mediat se nuk ka asnjë projekt të dorëzuar, por vetëm diskutime të përqendruara te protestat dhe krijimi i një qeverie teknike.
“Janë diskutime. Nuk ka një projekt të dorëzuar. Por diskutimet tona në këtë fazë janë të përqendruara në protestat e përgjithshme dhe krijimi i një qeverie teknike”, u shpreh Berisha.
Sa i përket një shpërblimi të mundshëm për Metën nëse fitohen zgjedhjet, ai shtoi: “Ilir Meta nuk ka nevojë për shpërblim. Ilir Meta është i konsoliduar, partia e tretë më e madhe e vendit. Se cili do të jetë koalicioni, jo shpërblim, por me interes të përbashkët bilateral, do të shqyrtohet në kohërat që vijnë”.
Kujtojmë se kreu i PL, i pyetur ditën e djeshme nëse do të kandidonte në listat e PD, u shpreh se do të preferonte të kandidonte në Tiranë me logon dhe siglën e PL.
Lini një Përgjigje