FLASH
Shkruar nga Pamfleti
Partia Demokratike i është përgjigjur deklaratave të mbrëmjes së sotme të ish-kryeministrit Berisha.
Sekretari për Marrëdhëniet me Publikun, Edvin Kulluri, ka thënë se Berisha harron se tashmë garën e ka me SPAK-un dhe jo me PD-në.
Sipas Kullurit, Berisha duhet të kërkonte falje për kohën kur sulmonte Lulzim Bashën përmes McGonigal.
“Sa më shumë kohë kalon në “ballkonin e vetmisë së madhe”, aq më shumë do të mbyllë një pazar me Edi Ramën duke shtuar dozën e manipulimeve ndaj PD dhe Bashës. Nën parimin “një gënjeshtër, një kat kullë”, stivon përditë nga një turrë gënjeshtrash”, thotë Kulluri në reagim.
Kulluri e ka akuzuar Berishën se vijon të këmbëngulë në përrallat që ka për zanat.
Sipas tij Berisha gjithashtu duhet t’u kërkojë falje demokratëve që i gënjeu edhe për primaret, fitoret në zgjedhje e gënjeshtra të tjera.
“E ndërsa demokratëve u tregonte përrallat e zakonshme, rrethi i tij vazhdonin të merrnin leje ndërtimi për kulla, resorte e para publike për bizneset e tyre. Kjo ka qenë dhe arsyeja pse u shpall Non-Grata. Asgjë s’ka ndryshuar dhe asgjë nuk do të ndryshojë sa i takon vendimeve të 8 shtatorit dhe 18 dhjetorit 2021. Nuk ka derë të hapur për Non Grata në Partinë Demokratike pavarësisht se sa bërtasin nga ballkoni”, përfundon reagimi i Kullurit.
Lini një Përgjigje