FLASH
Shkruar nga Pamfleti
Amnisti për pastrimin e parave e konsideron deputetja demokrate, Jorida Tabaku, hyrjen në fuqi, të “Paqes fiskale”.
Tabaku e cilëson ligjin si amnisti fiskale, duke paralajmëruar se ai legalizon dhe formalizon pastrimin e parave në Shqipëri, në një kohë kur fenomeni është i dokumentuar prej vitesh nga raporte ndërkombëtare, veçanërisht në sektorë si ndërtimi, lojërat e fatit dhe turizmi.
Sipas saj, problemi i ligjit nuk qëndron vetëm te e shkuara, por te pasojat për të ardhmen: krijon stimul për ekonominë informale, dërgon mesazhin se mospagimi i taksave shpërblehet dhe minon rëndë konkurrencën e ndershme.
Tabaku thekson se ligji është thellësisht i padrejtë për bizneset që për vite me radhë kanë paguar taksa, apo që janë mbyllur sepse nuk kanë mundur t’i përballojnë detyrimet fiskale.
Ndërkohë, sot u jepet mundësia të legalizohen atyre që kanë operuar në të zezë.
“Shqipëria nuk mund të shndërrohet në një vend ku paratë e pista gjejnë strehë ligjore,” nënvizon Tabaku, duke e cilësuar këtë ligj si një nga rreziqet më serioze për ekonominë formale dhe besimin publik.
Lini një Përgjigje