FLASH
Shkruar nga Pamfleti
Nis hemorragjia në radhët e Partisë së Lirisë në prag të zgjedhjeve parlamentare. Pas Endrit Braimllarit që lajmëroi se mund të bashkohet me PS, ish-nënkryetari i Forumit Rinor të Partisë së Lirisë dhe ish-kandidati për deputet, Klevi Pojana, që është bashkuar me socialistët.
Pojana është emëruar administrator i Njësisë Administrative Nr.8 në Bashkinë e Tiranës, duke u bërë pjesë e strukturave të qeverisjes vendore.
"Sot nis një sfidë e re me detyrën si administrator i Njësisë Administrative Nr.8 Bashkia Tiranë!
Me dëshirën për ti shërbyer me përgjegjësi çdo qytetari dhe për të qëndruar gjithmonë një derë e hapur ndaj çdo kujt që dëshiron të shprehi shqetësimet e tij, besoj se do ja dalim të jemi gjithmonë prezent për të gjetur zgjidhje e për të ofruar ndihmë!
Falenderoj kryetarin e Bashkisë Tiranë Erion Veliaj për besimin!
Ky qytet që ka ndryshuar kaq shumë dita-ditës vrapon e është kthyer jo vetëm në kryeqytetin e shqiptarëve por në kryeqytetin e gjithë Ballkanit!
Pranë njerëzve dhe në lagjen ku u linda dhe u rrita, në lagjen simbol të Tiranës tonë të dashur”, ka shkruar ai.
Lini një Përgjigje