FLASH
Shkruar nga Pamfleti
Ministri i Shtetit për Pushtetin Vendor, Ervin Demo, ka folur për reformën territoriale, duke theksuar se ajo synon forcimin e bashkive dhe përmirësimin e shërbimeve që ato ofrojnë për qytetarët.
Në një prononcim për gazetarët, pas mbledhjes së Këshillit të Ministrave, Demo nënvizoi rëndësinë e përfshirjes së të gjithë aktorëve në këtë proces, përfshirë bashkitë, qarqet dhe vetë qytetarët, të cilët duhet të japin mendimet e tyre mbi reformën.
“Unë mendoj se mendimet e të gjithë aktorëve, por jo vetëm, qarqet, qytetarët, të jenë të përfshirë, të japin qëndrimet e tyre për reformën. Ka shumë për të diskutuar. Pikërisht, reforma territoriale është aty për të adresuar disa elementë që kanë të bëjnë me bashkitë. Qeveria qendrore nuk do bjerë gjithmonë dakord me bashkitë. Nëse marrim reformat me radhë, ka qëndrime të ndryshime. Bashkitë, me kompetencat që delegojnë nga ligji, të jenë më të forta dhe të ofrojnë shërbime më të mira në territor. Unë besoj se do degjojmë edhe shumë kryetarë të tjerë, që mund të kenë qëndrime të ndrushme, sa i takon reformës së fundit”, theksoi ai.
Njehere e qepin, njehere e shqepin! Si Penelopa!