FLASH
Shkruar nga Pamfleti
Presidenti Bajram Begaj po ndjek të gjitha zhvillimet lidhur me situatën e krijuar në Lindjen e Mesme. Në një reagim ekskluziv për Report Tv, Presidenca thotë se Begaj është në komunikim të vazhdueshëm institucional me të gjitha institucionet përgjegjëse për sigurinë dhe mbrojtjen.
Në reagimin e Presidencës thuhet se kreu i Shtetit ka udhëzuar angazhim dhe përkushtim të institucioneve, me fokus të veçantë te qytetarët shqiptarë që ndodhen për arsye të ndryshme në rajonin e Lindjes së Mesme.
“Jeta e çdo qytetari shqiptar është prioritet!”, kjo ka qenë kërkesa e Presidentit drejtuar të gjitha institucioneve.
Njoftimi i plotë:
Presidenti i Republikës po ndjek në vijimësi me vëmendje të shtuar zhvillimet dhe është në komunikim të vazhdueshëm institucional me të gjitha institucionet përgjegjëse për sigurinë dhe mbrojtjen. Kreu i Shtetit ka kërkuar informacion dhe është informuar në mënyrë të vazhdueshme mbi masat e marra nga institucionet që i ngarkon Kushtetuta dhe ligji për garantimin e sigurisë dhe mbrojtjes.
Presidenti i Republikës ka udhëzuar angazhim dhe përkushtim të institucioneve, me fokus të veçantë te qytetarët shqiptarë që ndodhen për arsye të ndryshme në rajonin e Lindjes së Mesme. Presidenti Begaj ka theksuar nevojën për forcimin e masave të sigurisë dhe rritjen e gatishmërisë së strukturave përkatëse, duke vendosur në plan të parë sigurinë dhe mbrojtjen e qytetarëve.
Bashkëpunimi dhe bashkërendimi ndërinstitucional i shërbejnë forcimit të masave për garantimin e sigurisë. “Jeta e çdo qytetari shqiptar është prioritet!”, kjo ka qenë kërkesa e Presidentit drejtuar të gjitha institucioneve.
Lini një Përgjigje