FLASH
Shkruar nga Pamfleti
Pas një seance plenare që zgjati rreth pesë orë, Partia Socialiste miratoi e vetme rendin e ditës në Kuvend, pasi deputetët e Partisë Demokratike dhe Partisë së Lirisë bojkotuan punimet.
Me votat e mazhorancës u miratuan një sërë projektligjesh, kryesisht të lidhura me sektorin e bujqësisë, si edhe projektligji për zhvillimin e Censit të Bujqësisë, i cili do të nisë në tetor.
Gjithashtu, Kuvendi miratoi edhe projektrezolutat për vlerësimin e veprimtarisë së 10 institucioneve, mes tyre Komisioni Qendror i Zgjedhjeve, Banka e Shqipërisë, ILDKPI, Autoriteti i Mbikëqyrjes Financiare, INSTAT, AKEP, RTSH, AMA, Enti Rregullator i Energjisë dhe Enti Rregullator i Ujit.
Gjatë votimit u regjistrua edhe një qëndrim ndryshe nga deputeti socialist Erion Braçe, i cili, ashtu siç kishte paralajmëruar gjatë seancës, votoi kundër projektligjit "Për mbrojtjen e tokës bujqësore", së bashku me deputetin Erald Kapri.
Braçe gjithashtu abstenoi në votimin për ndryshimet në ligjin "Për librin në Republikën e Shqipërisë".
Votimi në seancë plenare
-Projektligji "Për dëftesat tregtare mbi produktet bujqësore"- 77 vota pro, 1 abstenim, 1 kundër
-Projektligji "Për censin e bujqësisë”- 78 vota pro, 0 abstenim, 1 kundër
-Projektligji "Për disa ndryshime dhe shtesa në ligjin nr. 27/2016 "Për menaxhimin e kimikateve", të ndryshuar"-78 vota pro, 0 abstenim, 1 kundër
-Projektligji “Për një ndryshim në ligjin nr. 103/2016, "Për akuakulturën"-76 vota pro, 0 abstenim, 0 kundër
-Projektligji "Për disa shtesa dhe ndryshime në ligjin nr. 9244, datë 17.6.2004, “Për mbrojtjen e tokës bujqësore", të ndryshuar"- 77 vota pro, 0 abstenim, 2 kundër (Erion Braçe dhe Erald Kapri)
-Projektligji "Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës Federale të Gjermanisë, për bashkëpunim teknik 2025".- 79 vota pro, 0 abstenim, 0 kundër
-Projektligji "Për ratifikimin e marrëveshjes së huas, ndërmjet Republikës së Shqipërisë dhe Bankës Evropiane për Rindërtim dhe Zhvillim, për hekurudhat shqiptare - rehabilitimi i hekurudhës Tiranë-Durrës dhe ndërtimi i lidhjes hekurudhore me Aeroportin Ndërkombëtar të Tiranës: zgjerimi i projektit"- 78 vota pro, 0 abstenim, 0 kundër
-Projektligji "Për ratifikimin e Konventës për Byronë e Konferencës Evropiane të Aviacionit Civil, bërë në Bernë, më 30 gusht 2025"- 78 vota pro, 0 abstenim, 0 kundër
-Projektligji “Për disa shtesa dhe ndryshime në ligjin nr. 9616, datë 27.9.2006, “Për librin në Republikën e Shqipërisë", të ndryshuar"- 78 vota pro, 1 abstenim (Erion Braçe), 2 kundër (Erald Kapri dhe Redi Muçi)
-Miratimi i projektrezolutës “Për vlerësimin e veprimtarisë së Komisionit Qendror të Zgjedhjeve për vitin 2025"- 79 vota pro, 0 abstenim, 2 kundër
-Miratimi i projektrezolutës "Për vlerësimin e veprimtarisë së Inspektorit të Përgjithshëm të Inspektoratit të Lartë të Deklarimit dhe Kontrollit të Pasurive dhe Konfliktit të Interesave për vitin 2025”- 78 vota pro, 0 abstenim, 2 kundër
-Miratimi i projektrezolutës "Për vlerësimin e veprimtarisë së Bankës së Shqipërisë për vitin 2025"-77 vota pro, 0 abstenim, 2 kundër
-Miratimi i projektrezolutës "Për vlerësimin e veprimtarisë së Autoritetit të Mbikëqyrjes Financiare për vitin 2025"- 77 vota pro, 0 abstenim, 2 kundër
-Miratimi i projektrezolutës “Për vlerësimin e veprimtarisë së Institutit të Statistikave për vitin 2025"- 77 vota pro, 0 abstenim, 2 kundër
-Miratimi i projektrezolutës "Për vlerësimin e veprimtarisë së Autoritetit të Komunikimeve Elektronike dhe Postare për vitin 2025"- 77 vota pro, 1 abstenim, 2 kundër
-Miratimi i projektrezolutës "Për vlerësimin e veprimtarisë së Radiotelevizionit Shqiptar për vitin 2025"-77 vota pro, 2 abstenim, 1 kundër
-Miratimi i projektrezolutës "Për vlerësimin e veprimtarisë së Autoritetit të Mediave Audiovizive për vitin 2025"- 77 vota pro, 0 abstenim, 3 kundër
-Miratimi i projektrezolutës "Për vlerësimin e veprimtarisë së Entit Rregullator të Energjisë për vitin 2025"- 78 vota pro, 0 abstenim, 2 kundër
-Miratimi i projektrezolutës "Për vlerësimin e veprimtarisë së Entit Rregullator të Ujit për vitin 2025"-78 vota pro, 0 abstenim, 2 kundër
-Projektvendim "Për emërimin e një anëtari të Këshillit të Statistikave"- Argita Frashëri, 76 vota pro, 0 abstenim, 2 kundër
Lini një Përgjigje