FLASH
Shkruar nga Pamfleti
Prej 25 prillit asnjë ministër nuk ka më të bëjë me tendera...
Kryeministri Edi Rama gjatë mbledhjes me grupin parlamentar të PS dhe kabinetit qeveritar, njoftoi krijimin e një shoqërie të re të operatorit për blerjet e përqendruara.
Duke u ndalur te prokurimet publike, ai tha se ende ka korrupsion, ndërsa shtoi se prej 25 prillit ka asnjë minsitër nuk ka më të bëjë me tendera, dhe se për këto do të veprojë shoqëria publike e operatorit të blerjeve të përqëndruara.
“Duke u kthyer te prokurimet publike, ne nuk na mjafton kaq. Ne kemi hedhur një hap tjetër përpara. E ka hedhur kjo shumicë me propozim të qeverisë për të krijuar shoqërinë publike të operatorit të blerjeve të përqendruara, e cila ka filluar zyrtarisht punë me 25 Prill, dhe do t’i kryejë ajo të gjitha prokurimet e ministrive dhe institucionet e tyre të varësisë. E thënë troç, asnjë ministër dhe asnjë strukturë e varësisë s’do të ketë asnjë lidhje me tendera por do të merret vetëm me politikat sektoriale.. Kjo shoqëri është ndërtuar sipas modeleve më të mira evropiane do të asistohet nga shoqëri partnere evropiane, do të ofrojë shërbimet e veta për të gjitha njësitë e pushtetit vendor apo njësitë e tjera jashtë varësisë së pushtetit ekzekutiv, të cilat ne nuk i detyrojmë dot me ligj që të heqin dorë nga organizimi i tenderave. Po ashtu operatori i blerjeve të përqendruara po ndërton një katalog dixhital të blerjeve të vogla për të gjitha institucionet publike, që të mos bëjnë tendera për cdo dërrasë të zezë, karrige zyre apo tavolinë por të blejnë direkt nga katalogu i quajtur ark zone, një lloj amazoni i mallrave për të gjithë shërbimet mbështetëse të institucioneve, duke kursyer kohë dhe para dhe mbi të gjithë duke i mbyllur derën korrupsionit”, tha Rama.
Lini një Përgjigje