FLASH
Shkruar nga Pamfleti
GJKKO ka rrëzuar kërkesën e Sali Berishës për përjashtimin e gjyqtares Irena Gjoka.
Gjykata ka rrëzuar kërkesën e ish-kryeministrit Sali Berisha, i cili përmes avokatëve të tij, Genc Gjokutaj dhe Sokol Mëngjesi kanë kërkuar përjashtimin e gjyqtares së çështjes, Irena Gjoka.
“Personi nën hetim Sali Berisha nëpërmjet mbrojtësve të tij ka paraqitur kërkesën për përjashtimin e trupit gjykues që shqyrton kërkesën e Prokurorisë së Posaçme kundër Korrupsionit dhe Krimit të Organizuar me objekt: zëvendësimin e masës së sigurimit. Kjo kërkesë i’u kalua për shqyrtim gjyqtarit të gatshëm, i cili në përfundim të gjykimit vendosi rrëzimin e kërkesës”, thuhet ne njoftimin e gjykates.
Gjykata e Posaçme kundër Korrupsionit dhe Krimit të Organizuar sot pritet të marrë vendimin për kërkesën e SPAK qe ka kërkuar arrest shtepie per Berishen.
Kërkesa e SPAK mbërriti në gjykatë të shtunën, pas marrjes në Kuvend të autorizimit për heqjen e imunitetit të Berishës më 18 dhjetor.
Kërkesa për ashpërsimin e masës së sigurisë ndaj Berishës erdhi pasi ky i fundit kundërshtoi si antikushtetuese masat e mëparshme të detyrimit për paraqitje dhe ndalim të daljes jashtë shtetit, duke mos i zbatuar ato. Kodi i Procedurës Penale parashikon zëvendësimin e masës në raste të tilla.
Lini një Përgjigje