FLASH
Shkruar nga Pamfleti
Partia Demokratike përmes deputetes Andia Ulliri, akuzoi qeverinë Rama se me politikat e saj është kthyer në shkaktaren kryesore të largimit të të rinjve për azil, dhe se me programin e saj, PD do ta ketë rininë në plan të pare.
Ajo theksoi se 64 mijë e 215 shtetas shqiptarë të moshës nën 18 vjeç, kërkuan azil në vendet e BE-së. Bazuar në këto statistika, Ulliri tha se është qeverisa e Ramës ajo që po shpopullon Shqipërinë duke larguar të rinjtë.
“Të dhënat e fundit të Eurostat tregojnë se pas ardhjes së qeverisë së Edi Ramës në pushtet në vitin 2013 e deri në vitin 2023 nga Shqipëria për në vendet e Bashkimit Evropian kanë kërkuar azil mbi 64 215 shtetas shqiptarë të moshës nën 18 vjeç.
Në raport me popullsinë, Shqipëria ka normën e dytë më të lartë në botë dhe lë pas Sirinë, si vend në konflikt të përgjakshëm dhe në luftë civile.
Shpopullimi i vendit dhe largimi i të rinjve është një kambanë alarmi për familjen shqiptare. Partia Demokratike e Shqipërisë zotohet për ta pasur rininë në plan të parë të fokusit të saj në hartimin e programit dhe në përbërjen e ekipit të ardhshëm”, tha Ulliri.
Lini një Përgjigje