FLASH
Shkruar nga Pamfleti
Deputeti i Partisë Socialiste, Erion Braçe ka ironizuar aktet e dhunës së deputetëve të Rithemelimit dhe të grupit ‘Bardhi’ gjatë seancës plenare të ditës së djeshme (5 shkurt) në Kuvend.
Duke ripublikuar videon e momentit kur deputeti Gazment Bardhi hyn në Kuvend edhe pse i përjashtuar, Braçe ka ironizuar veprimin e tij të hedhjes së palltos duke e krahasuar me trajnerin e Juventusit, Massimiliano Allegri i cili bën të njëjtat veprime kur ndeshja nuk shkon në favor të skuadrës së tij.
“Ka ardh Allegri në Parlament. Erdhi masku si Kazi Barthi. E hedh pallton po njesoj, kthith ndaj lojtarëve po njësoj; I vetmi ndryshim eshte qe Kazi e do Salihun me shumë se sa Allegridonte Agnellin”- shkruan Braçe krahas videos së postuar në Instagram.
Seanca e ditës së djeshme zgjati rreth 15 minuta dhe u ndërpre pasi deputetët e grupit Bardhi dhe Berisha hynë në sallën e Kuvendit, madje në një moment hodhën edhe një fletore të rregullores drejtuar kryeministrit.
Mbledhja e rradhës e Kuvendit pritet të jetë më 8 shkurt, kur do të miratohet marrëveshja me Italinë për emigrantët si dhe qeveria do të pranojë disa propozime të opozitës për zgjerimin e përfituesve të amnistisë penale.
View this post on Instagram
Lini një Përgjigje