FLASH
Shkruar nga Pamfleti
Lefter Maliqi ka reaguar pas humbjes së Partisë Demokratike në zgjedhjet e pjesshme në Himarë, ku doli fitues kandidati socialist Vangjel Tavo.
Ai u shpreh se disa deputetë që duan të mbrojnë pasuritë po marrin në qafë opozitën.
Maliqi u ka bërë thirrje liderëve të opozitës dhe të gjithë demokratëve që të “zgjohen” dhe të zbresin në bazë për tu përballur në “fushë betejë” me vepra dhe jo vetëm me fjalë.
“Zbrisni në Bazë, krijoni struktura paralele me Rilindjen, evidentoni banditët, patronazhistët, shtoni radhët, shumëfishoni shtabet elektorale në çdo Bashki, në çdo “KZAZ”, vini përballë kundërshtarit të njëjtën përballje, madje më të madhe. Evidentoni dhe orientoni menjëherë mbështetësit për kartat e identitetit në gjithë vendin ,që mos të ketë asnjë pa kartë identiteti të rregullt.
Detyra konkrete në çdo QV, evidentoni komisionerë, vëzhgues dhe përgatitni në mënyrë të detajuar, struktura mbrojtëse, lëvizëse në çdo QV, në çdo KZAZ, ndiqni kundërshtarët hap pas hapi, tre ditët e fundit patrullime natën dhe ditën e votimit në çdo QV të jenë mbi 6-7 veta para QV plus kontrolleve, të cilët në fund të shoqërojnë nga pas kutitë e votimit në KZAZ, jashtë KZAZ mbështetësit tuaj të jenë më të shumtë se patronazhistët, të jeni vigjilent gjatë numërimit të votave për çdo fletë votimi.
Nuk mund të pranojmë që për t’u bërë disa deputetë, që të mbrojnë pasuritë e tyre, të merrni mëqafë Opozitën!
Duhet përballje e fortë, ose ndryshe pranoni Diktaturën”, shkruan Maliqi.
Lini një Përgjigje