FLASH
Shkruar nga Pamfleti
Floriana Garo, zëdhënëse e Partisë Demokratike, ka zbuluar disa emra që mund të jenë pjesë e listës së kandidatëve për deputet në zgjedhjet e 11 majit.
Për emisionin “Dekalog”, Garo tha se ka marrëdhënie shumë të mira me kolegët e saj brenda PD-së, duke mohuar në këtë mënyrë disas zëra për përplasje.
“Unë jam shumë e kënaqur nga Partia Demokratike, kemi një marrëdhënie shumë të mirë me njeri-tjetrin. Unë kam marrëdhënie shumë të mira me Alfred Lelën dhe me Silvi Bardhin, e cila po ju them që do të jetë kandidate primare në zonën e Elbasanit. Edhe unë gjithashtu do të jem pjesë e listës, pastaj nëse jemi apo nuk jemi, këtë e vendosin qytetarët. Sa i përket deklaratave për shtyp, është një misk mes meje dhe Lelës, por që në fund për publikimin “ok” e jep Sali Berisha”, tha Garo.
Ajo ka komentuar dhe vendimin e SHBA-së për shpalljen non-grata të kryetarit të PD-së, Sali Berisha, në vitin 2021. Garo ka shprehur besimin se ky vendim do të hiqet.
Zëdhënësja e PD ka shtuar se Sali Berisha ka lidhje me administratën e presidentit Donald Trump, dhe se kjo mund të ndikojë në një përmirësim të marrëdhënieve me SHBA-në.
“Non-grata e Sali Berishës do të hiqet, por unë besoj që jo vetëm për Sali Berishën, por për të gjithë ata me të njëjtin vendim. Doktor Sali Berisha ka lidhjet e tij me administratën e Donald Trump. PD-ja do të ketë marrëdhënie të mrekullueshme me SHBA-në, sidomos tani që u inaugurua Donald Trump. Dhe nëse do të flasim për një shenjë që tregon këtë përmirësim të marrëdhënieve, është fakti se, edhe pse me të gjitha ata urdhra ekzekutiv që po e shkundin administratën, do ta shikoni që do të përkthehet shumë shpejt në Shqipëri. Sa i përket non-gratës, nuk ka asnjë fakt apo provë dhe të gjithë e dinë që ishte hap për të goditur opozitën, bashkë me ambasadoren Yuri Kim”, tha Garo.
Lini një Përgjigje