FLASH
Shkruar nga Pamfleti
Deputeti i Partisë Demokratike Ervin Salianji gjatë mbledhjes së Këshillit të Mandateve ku po shqyrtohet çështja për konstatimin e pavlefshmërisë dhe mbarimin e mandatit të deputetes Olta Xhaçka, deklaroi se PS e sorollati çështjen dhe tani nuk ka më asnjë kuptim, pasi mandati i Xhaçkës është duke mbaruar.
Ai theksoi se është e disata herë që PS bëhet mburojë e paligjshmërisë dhe i trajton deputetët e vet sikur janë të paprekshëm nga ligji.
"Të flasin për kushtetutë kolegët që kemi përballë dhe që ia ka marrë Kushtetuesja dhe ia ka hedhur në kosh vendimmarrjen, duke e shfuqizuar vendimin e këtij këshilli dhe që Kushtetuesja vlerëson se në rastin konkret Kuvendi duhet të kishte pranuar mocionin e kërkuesit dhe jo ta bllokonte është pak e tepërt.
Që ta kuptojnë njerëzit, ju e keni mbajtur peng kur ne ishim këtu, për muaj me radhë shqyrtimin e kërkesën. E keni shtyrë për të bërë atë që keni zanat të bëni.
Këtu nuk janë të gjithë barabartë para ligjit, këtu kush është përfaqësues i PS është më i barabarta para ligjit.
Thelbi i kësaj është grusht shteti. Grushti i shtetit nuk është vetëm me armë, është edhe brenda institucioneve.
Jua ka thënë kryetarja e Gjykatës Kushtetuese. E keni bërë aq baltë që edhe kryetarja e Kushtetueses, ju thotë që është e pamendueshme që kuvendi apo çdo institucion të gjykojë vendimet e gjykatës.
Mbaroi mandati. Ndërkohë që ju e sorollatët dhe e sollët rrotull duke shkelur edhe Kushtetutën, do ta çojmë ne këtë raport në seancë, pastaj Kuvendi do t’ia Kushtetueses, erdhën zgjedhjet mbaroi mandati, ca efekti ka ligji këtu.
Është rasti i disatë që PS bëhet mburojë e paligjshmërisë dhe i trajton deputetët e vet, sikur të jenë të paprekshëm nga ligji.
Ndërkohë që propagandoni që ju jeni njerëzit që zbatoni vendimet e gjykatave, që ju jeni partia që po i jepni bonuse drejtësisë, por në të vërtetë ju jeni partia që po i bëni bllokadë diku e përdorur drejtësinë dhe institucione të tjera për të treguar që në këtë vend nuk ka barazi para ligjit.
Ju tani do ta miratoni raportin, se s’keni car bëni, ndërkohë që mandati ka përfunduar dhe drejtësi nuk ka", tha Salianji.
Lini një Përgjigje