FLASH
Shkruar nga Pamfleti
Deputeti i Partisë Socialiste Erion Braçe i është përgjigjur ashpër kreut të “Shqipëria Bëhet” Adriatik Lapajt, pas disa akuzave të këtij të fundit, për aktivistët socialistë në Divjakë.
Braçe e cilëson Lapajn fashist të Berishës ndërsa e akuzon se merr para nga kreu i Partisë Demokratike. Deputeti shton se "paratë e ndyra të trafiqeve që i rrethojnë, nuk trembin asnjë socialist apo të blejnë qoftë edhe një qytetar apo bujk të Divjakës".
“Më dëgjo mua tani t’i fashist i vogël i Salih Berishës: Fatjon Lena nuk është zëvendësministër.
Nuk ka qenë kurrë zëvendësministër e as do që të jetë! Lista e zëvendësministrave është publike, është në faqe të qeverisë, faqe të çdo ministrie;
Ti gënjen. Fatjon Lena është 34 vjeç dhe nuk ka firmosur kurrë në një border shteti - administratë, në nivel qendror e vendor. Është ndër shumë socialistë të drejtë e të ndershëm që nuk kanë përfituar “punë shteti” nga pushtetet e Partisë Socialiste!
Borderote e shtetit janë publike, por nuk presin t’i verifikosh ti, përkundrazi janë aty për të dëshmuar që ti je një gënjeshtar që as skuqesh e as zverdhesh kur gënjen çdo ditë.
Fatjon Lena është socialist, punëtor partie, vullnetar dhe bën një super punë çdo ditë me njerëzit e Divjakës. Jo për të blerë vota, sepse kurrë nuk ka ndodhur në këtë territor që një socialist, nga unë i pari, tek më i fundit, të blejë vote me lekë; gjeje ti njërin e nxirre të thotë ndryshe.
Ne nuk jemi as Salihu e as ti-fashisti i vogël i tij.
Tani dëgjo e mbaje vath në vesh: Ndale shantazhin e kërcënimin ndaj njerëzve që as i njeh e as të kanë borxh, veçanërisht ndaj njerëzve të Partisë Socialiste.
Ndale, ndalu ti dhe erëkeqi yt me të cilin e me paratë e të cilit vjen rrotull ne Divjakë! Harroje ti dhe erëkeqi yt me vapor se paratë e ndyra të trafiqeve që ju rrethojnë do trembin qoftë dhe një socialist apo do blejnë qoftë dhe një qytetar apo bujk të Divjakës. Harroje.
Po bëjmë pune partie e do vijojmë ta bëjmë, e drejtë e ndershëm cep e më cep të kësaj bashkie, me çdokënd që është këtu dhe jashtë këtij vendi, hapur fare, publikisht!
Kush vlerëson punën, të na vlerësojë. Kush nuk vlerëson punën apo quan punë këtë punën tënde ordinere, le te mos votojë; do i shërbejmë po njësoj”, shkruan Braçe në rrjetet sociale.
Lini një Përgjigje