FLASH
Shkruar nga Pamfleti
Pjesa dërrmuese e votës së diasporës ka shkuar për PS. Nga zarfet e numëruara deri tani, Partia Socialiste ka marrë një mbështetje masive, duke siguruar afro 60% të votave, 105,955 vota nga gjithsej 181,992 zarfe të hapura. Koalicioni PD-ASHM, në krahun tjetër, është renditur i dyti me 45,006 vota, një rezultat që përforcon dominimin e PS-së edhe përtej kufijve.
Qarqet Fier dhe Durrës kanë qenë zonat ku vota e diasporës ka folur pa mëdyshje: në Fier, PS siguroi 73.22% të votave (19,733), duke lënë PD-në në kuotën minimale të 12.54% (3,379). Edhe në Durrës, fitorja është e pastër – 62.04% për PS (12,718 vota) kundrejt 25.68% për PD (5,264 vota).
Në Tiranë, rezultati është më i përmbajtur, por gjithsesi në favor të PS-së, që merr 50.91% të votave (22,043) përkundër 30.39% të PD-ASHM (13,159). Në Lezhë, përplasja është më e afërt, me PS që kryeson me 49.19% (5,967 vota) dhe PD në 34.13% (4,140).
Ndërkohë, Kukësi mbetet një nga bastionet e vetme të PD-së në diasporë: 61.91% për PD (1,835 vota) kundrejt 26.99% për PS (800 vota). Shkodra mbetet një zonë gri, ku PD merr avantazh të lehtë me 42.27%, ndërsa PS ndjek nga pas me 40.01%, një përballje që flet për ndasi të thella politike edhe jashtë vendit.
Votat e diasporës konfirmojnë një prirje të qartë drejt PS-së, veçanërisht në qarqet e mëdha. Me përfundimin e numërimit në Tiranë, Fier, Durrës, Lezhë, Kukës dhe Shkodër, socialistët jo vetëm që mbajnë epërsinë, por edhe konsolidojnë pozitat përpara përfundimit të plotë të procesit.
Ndarja e votave
Rang vendi
PD-ASHM, 45006 vota
PS, 105955 vota
Shkodër
PD-ASHM, 5852 vota, 42.27 %
PS, 5539 vota, 40.01 %
Kukës
PD-ASHM, 1835 vota, 61.91 %
PS, 800 vota, 26.99 %
Durrës
PD-ASHM, 5264 vota, 25.68 %
PS, 12718 vota, 62.04 %
Tiranë
PD-ASHM 13159 vota, 30.39 %
PS, 22043 vota, 50.91 %
Fier
PD-ASHM, 3379 vota, 12.54 %
PS, 19733 vota, 73.22 %
Lezhë
PD-ASHM, 4140 vota 34.13 %
PS, 5967 vota 49.19 %
Lini një Përgjigje