FLASH
Shkruar nga Pamfleti
Nënkryetari i Partisë Demokratike, Luçiano Boçi, njëherësh dhe drejtuesi politik i Qarkut Shkodër, ka folur për thirrjen e liderit të opozitës Sali Berisha në SPAK ditën e nesërme, e mërkurë 11 shtator.
Boçi tha se mënyra e ngritjes së akuzave, ngjason me metodat e përdorura 50 vite më parë. Ai u shpreh se SPAK është partnere e PS, teksa shtoi se PD është sulmuar në shumë rrafshe.
“Unë shoh me shqetësim që sjellja politike e SPAK-ut në këtë sezon të ri politik nuk ka ndryshuar, madje ecën sipas frekuencës së sezonit politik dhe këtu ka meritën e sjelljes politike maksimale.
SPAK-u që është shpërshfaqur si një organizatë partnere e PS në mënyrën se si ka vepruar dhe operuar gjatë kësaj kohe.
Ne kemi vite të vështira që kalojmë për shkak të sulmeve politike që i bëhen Partisë Demokratike në shumë rrafshe”, tha Boçi.
Lini një Përgjigje