FLASH
Shkruar nga Pamfleti
Thelbi është i qartë: SPAK duhet të hetojë ata emra që Rama nuk i ka futur në Kryesi...
Ka disa ditë që ka përfunduar Asambleja e PS-së, por të bën përshtypje se nuk ka pasur asnjë koment për Kryesinë apo kupolën e re të mazhorancës.
E cila është realisht zhvillim që meriton një analizë, edhe pse në PS, nuk është se ka shumë çka të tjerrësh, pasi kumandari i vetëm është Babloku.
Por në emrat e Kryesisë së re ka mjaft ç’të thuash. Nga të zgjedhurit direkt nuk ka asnjë emër të socialistëve historikë, kurse nga drejtuesit e qarqeve ka disa.
E vetmja grua që ka përfaqësuar betejën e Edi Ramës në opozitë është Lindita Nikolla, ndërkohë që të gjitha të tjerat janë ardhje të reja. Por që nuk ka një ide pse u mënjanuan personazhet e Rilindjes. Te burrat, të vetmit të konfirmuar janë Pandeli Majko, Niko Peleshi dhe Erion Braçe, kur të gjithë ministrat më të rëndësishëm të Edi Ramës janë eliminuar.
Ç’do të thotë kjo? Një logjikë e qartë dhe e pastër ndaj SPAK se kë duhet të hetojë. Të gjithë përveç 18 emrave të Kryesisë së PS-së aktualisht. E këtu mësohet se Edi Rama është treguar edhe i rreptë me amerikanët: Ju kam dhënë tre Kryesi PS-je, mos më kërkoni të katërtën.
Por kush ishin tre Kryesitë që Rama u thotë amerikanëve se i ka dhënë? Janë ministrat që ai zgjodhi, drejtorët që ai emëroi, zyrtarët që ai firmosi. Që nga Ilir Beqaj, Olta Xhaçka, Damian Gjiknuri, Taulant Balla, etj.
Kryesia e PS-së sot është një kupolë që gjithkush mund ta analizojë. Megjithatë ajo nuk ka asnjë bazë socialiste, përveç Braçes e Majkos, të cilët nuk është se kanë një pëlqim në kupolën e vjetër.
Kupola e sotme është e gjitha ramiste, e gjitha duke provokuar PS se kush është pushteti real.
Është një lloj pleniumi i katërt, ku ka denigruar të gjithë ministrat e PS, duke nisur nga Saimir Tahiri, Ilir Beqaj, Damian Gjiknuri, Taulant Balla etj, etj. Të cilët janë figura të rëndësishme politike.
Ardhjet nuk janë reale, siç nuk janë ikjet. Edi Rama e konsideron PS, një piramidë. Personazhet që Edi Rama largoi janë emra të hetuar nga SPAK, por edhe njerëz që nuk kanë pasur një fuqi në territor.
Sot Kryesia nuk ka ministrat e Rilindjes, por ka emrat që i kanë qendruar besnikë Edi Ramës. Thelbi është i qartë: SPAK duhet të hetojë ata emra që PS nuk i ka futur në Kryesi. Nëse e bën? Atëherë Rama mund të reagojë! /Pamfleti
Kryesia e PS
Anëtaret gra
Lindita Nikolla, 287 vota
Albana Koçiu, 283 vota
Klodiana Spahiu, 279 vota
Anila Denaj, 278 vota
Etilda Gjonaj, 219 vota
Belinda Balluku
Mirela Kumbaro
Elisa Spiropali
Ogerta Manastirliu
Anëtarët burra
Erjon Braçe, 295 vota
Arben Pëllumbi, 294 vota
Toni Gogu, 250 vota
Eduard Shalsi, 241 vota
Igli Hasani, 228 vota
Pandeli Majko
Benet Beci
Ervin Demo
Emriana Sako
Blendi Çuçi
Blendi Gonxhe
Niko Peleshi
Arbian Mazniku
Erion Veliaj
Lini një Përgjigje