FLASH
Shkruar nga Pamfleti
Presidenti i Republikës, Bajram Begaj, ka marrë pjesë sot në një takim të Nivelit të Lartë mbi multilateralizmin dhe sfidat për paqen, organizuar nga Qendra Ndërkombëtare Nizami Ganjavi në Harvard Club.
Në fjalën e tij, Kreu i Shtetit shqiptar theksoi se multilateralizmi është rruga e vetme drejt paqes dhe bashkëpunimit ndërkombëtar. “Në një kohë sfiduese për rendin global, mbështetja ndaj institucioneve ndërkombëtare mbetet thelbësore për parandalimin e krizave dhe ruajtjen e stabilitetit”, u shpreh Begaj.
Presidenti nënvizoi se për vende të vogla si Shqipëria, roli i mekanizmave ndërkombëtarë është garanci e sigurisë dhe një mundësi reale për përfaqësim në arenën globale.
Ky takim, i cili mblodhi liderë dhe ekspertë nga vende të ndryshme, kishte në fokus sfidat aktuale të sigurisë ndërkombëtare dhe nevojën për një angazhim më të madh në mbrojtjen e paqes botërore.
"Sot në Harvard Club mora pjesë në takimin e Nivelit të Lartë mbi multilateralizmin dhe sfidat në rrugën drejt paqes, i organizuar nga Qendra Ndërkombëtare Nizami Ganjavi.
Gjatë takimit, theksova rëndësinë e multilateralizmit si rrugë drejt paqes dhe bashkëpunimit. Në një kohë sfiduese për rendin global, mbështetja ndaj institucioneve ndërkombëtare mbetet thelbësore për parandalimin e krizave dhe ruajtjen e stabilitetit. Për vende të vogla si Shqipëria, multilateralizmi është garanci për sigurinë dhe përfaqësimin në arenën ndërkombëtare", shkruan ai.
Lini një Përgjigje