FLASH
Shkruar nga Pamfleti
Kreu i grupit parlamentar të PS, Taulant Balla ka publikuar në rrjetet sociale një foto të ish-kryedemokratit Lulzim Basha, teksa ky i fundit ndodhet në avion.
Balla nuk e kursen ironitë për Bashën, duke risjellë në kujtesë disa nga lapsuset e ish-kreut të selisë blu, mes të cilave edhe problemet me matematikën.
“Kishte pak problem matematikën, bënte ndonjë gafë me datat historike, e bënte ditën natë, e maste energjinë me litra, por nuk bëhej kurrë pishman”, shkruan Balla në postim.
Lulzim Basha nuk është aktualisht aktiv në politikë, pasi dështoi të rizgjidhej deputet në zgjedhjet e fundit parlamentare.
Ndërkohë Balla dje ka mbyllur një pakt me kreun e PD të grupit parlamentar, Gaz Bardhi që solli bashkëpunim mes mazhorancës dhe opozitës për miratimin e rezolutës për integrimin europian, e cila u votua me 114 vota pro në Kuvend.
Këtë e ka konfirmaur edhe deputetja Milva Ekonomi, duke mos përjashtuar komunikimet mes Taulant Ballës dhe Gazment Bardhit në prag të votimit.
"Unë nuk përjashtoj që dy kryetarët e grupeve të bëjnë telefonata me njëri-tjetrin, sepse ky është një proces i vazhdueshëm. Kryetarët e grupeve komunikojnë edhe në mënyrë të hapur, por komunikojnë edhe për çështje pune, sikurse komunikojnë edhe në Byro, edhe në Konferencën e Kryetarëve, kështu që përgatitja e mbledhjes së Kuvendit është padyshim një moment ku janë të rëndësishme të gjitha ngjarjet që ndodhin dhe, siç e thamë në krye të herës, ky është një moment shumë i rëndësishëm. Rezoluta që bën Kuvendi i Shqipërisë për procesin e integrimit, për raportin e KE-së, është padyshim një moment i rëndësishëm, kështu që mënyra se si zgjidhet e organizohet puna, janë të gjitha të hapura." ,tha deputetja.
Tao shif hallin tend .Basha fluturimet i ka Uashington,Bruksel Londër.