FLASH
Shkruar nga Pamfleti
Deputeti i PD, Ervin Salianji ka përshëndetur vendimin e Gjykatës së Apelit e cila i kaloi vulën dhe logon grupimit që deri sot njihej si Rithemelimi, me kryetar Sali Berishën.
Në një reagim në rrjetet sociale, Salianji shkruan se PD është pronë e anëtarëve dhe se vullneti i simpatizantëve triumfoi.
“Partia Demokratike është pronë e anëtarëve, vullneti i tyre triumfoi! Ishim, jemi dhe do të jemi Partia Demokratike e Shqipërisë”, shkruan Salianji.
Ndërkohë, edhe simpatizantët e Partisë Demokratike dhe Sali Berishës kanë festuar pasi gjykata i dha vulën e PD-së ish-kryeministrit.
Militantët demokratë kanë pritur me këngën e Sali Berishës dhe me valle vendimin e Gjykatës së Apelit, që dha fund zvarritjes në dyert e gjykatave të çështjes së vulës së PD-së.
“O Berishë, o hero krejt Shqipëria ty të do”, “Fitore historike e Partisë Demokratike”, brohorasin simpatizantët në derën e selisë së PD-së, ndërsa në sfond është vendosur kënga për Sali Berishën.
Një prej simpatizantëve shihet me veshje popullore teksa feston vendimin e Apelit.
Lini një Përgjigje