FLASH
Shkruar nga Pamfleti
Ditën e sotme, në orët e para të mëngjesit, një automjet në Pogradec u përfshi nga flakët.
Mësohet se pronari i automjetit që u përfshi nga flakët, Artur Musollari, është një person i njohur për strukturat e rendit në Pogradec.
“Në orët e para të mëngjesit të sotëm, në lagjen nr.2, Pogradec, ka rënë zjarr në automjetin e shtetasit A. M., i cili ka qenë i parkuar”, njoftoi sot policia.
Ai rezulton të jetë arrestuar në vitin 2023, pasi u kap në flagrancë i armatosur dhe dyshohej se po përgatitej për të kryer një ngjarje kriminale.
Gjatë kontrollit të ushtruar në atë kohë, policia i sekuestroi një armë zjarri pistoletë, municion luftarak, si edhe sende të tjera të paligjshme, të cilat shërbenin për realizimin e një akti të rëndë kriminal.
Në lidhje me ngjarjen e fundit ku automjeti i tij u përfshi nga flakët, autoritetet po vijojnë hetimet për të zbardhur rrethanat, ndërsa policia dyshon se zjarri ka qenë i qëllimshëm.
Lini një Përgjigje