FLASH
Shkruar nga Pamfleti
Nipi i pronarit të kampingut në Finikounda dhe një mik i tij biznesmen nga Athina u arrestuan, si pjesë e hetimit për vrasjen e dyfishtë.
Arrestimet vijnë pas disa muajsh hetime. Në muajin nëntor, policia greke kreu kontrolle në dyqanet e biznesmenit ku punonte 22-vjeçari, i cili është arrestuar për vrasjen e pronarit 68-vjeçar të kampingut dhe mikut të tij shqiptar.
Biznesmeni nga Athina, përveçse punëdhënës i njërit prej dy të rinjve të akuzuar për ekzekutimin e pronarit të kampingut dhe shqiptarit, ishte edhe personi që nipi i viktimës telefonoi pas vrasjes së dyfishtë.
Nipi i grekut ishte edhe i vetmi dëshmitar okular i vrasjes. Ai ka deklaruar se telefonata e parë që bëri përmes partneres së tij ishte tek pronari i kafenesë në Kolonaki, i cili ishte punëdhënësi i njërit prej 22-vjeçarëve të dyshuar si bashkëpunëtorë të vrasjes.
“Që të kuptoni se cila është marrëdhënia ime me G. (ish-punëdhënësi i të pandehurit), pas sulmit ai është personi i parë që i kërkova të dashurës sime të telefononte dhe të më informonte sepse isha në gjendje shoku dhe nuk mund të flisja. Ajo e telefonoi nga celulari i saj sepse i imi ishte në vendin e ngjarjes”, tha ai.
Lini një Përgjigje