FLASH
Shkruar nga Pamfleti
Gjykata e Lartë ka lënë në fuqi dënimin me burg përjetë për shtetasin grek Eftimiu Eftimiu, autori i vrasjes së shqiptarit Devi Kasmi.
Ish-komando grek kishte dorëzuar rekurs në Gjykatën e Lartë pasi në mars 2021, Apeli i Gjykatës së Posaçme e shpalli fajtor për vrasjen e Devi Kasmit.
Ekzekutimi i Dëfrim Kasmit ndodhi në janar të vitit 2018 në rrugën “Kongresi i Manastirit” në Tiranë.
Ish komandoja e Forcave Ushtarake greke ka insistuar se kishte ardhur në Shqipëri për gjueti, por hetimi i ish krimeve të rënda e identifikon si ekzekutorin e Devi Kasmit, krim i ndodhur në Tiranë ndërkohë që si organizator akuzohet shtetasi Aurel Hoxhallari.
Dejvi Kasmi u ekzekutua në Tiranë, nga dy persona me motoçikletë, që qëlluan mbi 41-vjeçarin, pesë herë, në kokë dhe në trup.
Identifikimi i Eftimiut u bë nga kamerat e sigurisë ku duket një furgon i bardhë me të cilin ata afrohen pak momente para se të vritej Kasmi dhe më pas largohen me të njëjtin mjet.
Siç u mësua edhe më pas, porositës i vrasjes doli të jetë Aurel Hoxhallari. Dyshimet janë se shkak për këtë eliminim u bënë përplasja midis grupeve kriminale, ku dyshohet se Hoxhallari pagoi për ekzekutimin e Kasmit duke kontaktuar ish-komandon grek.
I pyetur asokohe nga grupi hetues, Eftimius Eftimiu ka deklaruar se kishte ardhur në Shqipëri në shoqërinë e Aurel Hoxhallarit, i cili mbante edhe emrin Altin, emri me të cilin ish-komando grek e përmend edhe në dëshminë e tij.
Ai tha se kishte njohje me Aurelin prej 15 vitesh dhe se herën e fundit kishte ardhur në Shqipëri me të për të provuar një qen gjahu.
Lini një Përgjigje