FLASH
Shkruar nga Pamfleti
Një viktimë dhe 2 të plagosur është bilanci i përplasjes me thika e sende të forta të ndodhur pasditen e djeshme (11 korrik 2024) në një lokal në fshatin Rrajë të Fierzës në Tropojë.
Policia informoi sot ka ndërruar jetë në spital 24-vjeçari Ardian Pepkolaj.
Ndërkohë të plagosur kanë mbetur vëllai i tij, Valentin Pepkolaj, dhe Shkëlzen Kukaj, të cilët ndodhen nën kujdesin e mjekëve.
Policia thotë se është shpallur në kërkim autori Saimir Sadikaj, ndërsa janë arrestuar 5 persona, shokët e tij, për moskallëzim krimi.
'Si rezultat i veprimeve të thelluara hetimore dhe policore të kryera menjëherë pas rastit të ndodhur më datë 11.07.2024, rreth orës 17:00, në një lokal në fshatin Breg-Lumë, ku për motive të dobëta, shtetasi S. S., 40 vjeç, plagosi me mjete prerëse, shtetasit V. P., 32 vjeç, Sh. K., 45 vjeç, si dhe vëllanë e shtetasit V. P., shtetasin A. P., 24 vjeç, i cili si pasojë e plagëve, humbi jetën në spital, u arrestuan shtetasit:
-A. Q., 39 vjeç, për veprat penale “Përkrahja e autorit të krimit” dhe “Moskallëzimi i krimit”;
-Xh. M., 31 vjeç, për veprat penale “Veprime që pengojnë zbulimin e së vërtetës” dhe “Moskallëzimi i krimit”;
-A. Sh., 34 vjeç, për veprën penale “Moskallëzimi i krimit”;
-A. B., 29 vjeç, për veprën penale “Moskallëzimi i krimit”;
-J. K., 34 vjeç, për veprën penale “Moskallëzimi i krimit”.
Në drejtimin e Prokurorisë së Kukësit, vijojnë hetimet për të dokumentuar me prova ligjore përgjëgjësinë penale të secilit prej këtyre shtetasve.
2 të dëmtuarit vijojnë të jenë në kujdesin e mjekëve.
Gjithashtu, vijojnë kërkimet intensive për kapjen e shtetasit S. S.', njoftoi policia.
Lini një Përgjigje