FLASH
Shkruar nga Pamfleti
Një vit prej asaj që tashmë njihet si masakra e Paskuqanit, ku Dan Hutra vrau 3 gra dhe plagosi 3 të tjera, ka folur dhe mamaja e një prej viktimave.
Etleva Kurti u vra në oborr nga Dan Hutra, ndërsa mamaja e saj tregon sot momentin rrënqethës kur ka dëgjuar krismat.
“Dëgjova një zë tek porta, që tha a kjo është shtëpia e Vladimir Kurtit. Unë mendova se mos janë ata të dritave, kupton. Vajza ishte në bahçe me mua. Vetëm kam dëgjuar krismat dhe zërin e vajzës që bërtiti “Oj mam bre”. Monstrën e pashë duke kaluar tek dera. Vajza kishte 1 orë që kishte ardhur këtu.
Me Dan Hutrën nuk kemi pasur asnjë konflikt, asgjë. Asnjëherë në botë nuk e prisja se do të ndodhte diçka e tillë. Ai është futur brenda në dhomë e nuk më ka parë mua. Ka hyrë në shtëpi përpara ekzekutimit. Për djalin që është në burg, Vladimir Kurti, nuk di ç’të them, është në burg, ka problemet e veta edhe ai”, tha nëna e Etleva Kurtit.
Etleva Kurti u vra nga Dan Hutra teksa ndodhej në banesën e saj. Më vonë u raportua se kjo vrasje mund të jetë bërë, për shkak të konflikteve që Dan Hutra ka pasur në burg me vëllain e Etlevës, Vladimir Kurtin.
Lini një Përgjigje