FLASH
Shkruar nga PamfletiEdicioni i lajmeve nga kronika e zezë - Pamfleti
Në ngjarjet nga vendi deri ne kete ore te dites, konflikti për hapësirat publike në Vlorë përfundoi me dhunë ndaj punonjësve të IMT-së dhe Policisë Bashkiake, ku në qendër rezultoi të ishte një polic bashkiak – pronar i lavazhit.
Në Kukës, dy vëllezër u vetëdorëzuan pas një plagosjeje, duke u arrestuar me burg.
Po ashtu, në Rinas dhe Tiranë u arrestuan dy shtetas për pengmarrje dhe trafik droge, njëri prej tyre i kërkuar nga Spanja.
Nga Britania e Madhe, u zbulua një rrjet shqiptar që kontrabandonte kriminelë me kamionë, duke ofruar “arratisje pa stres” kundrejt 2,000–2,500 paundësh.
Në Greqi, Policia shkatërroi një bandë droge në Atikë, ku përfshiheshin edhe të mitur dhe veprimet organizoheshin me hierarki, dhunë dhe shitje brenda shkollave.
Në Kosovë, gjykata publikoi prova të rënda audiovizive për vrasjen e Liridona Ademajt, ku dëgjohen krisma arme dhe britma fëmijësh.
Nderkohe, Prokuroria Speciale zhvillon një operacion të gjerë në Pejë, duke goditur krimin e organizuar dhe rrëmbimet.
Nga arena ndërkombëtare, atentati me tritol në Moskë shkaktoi vdekjen e gjeneralit rus Fanil Sarvarov, duke ngjallur dyshime për përfshirje të inteligjencës ukrainase.
Një aksident tragjik në Indonezi mori jetën e 16 pasagjerëve, ndërsa në sport, Jake Paul, pas humbjes me nokaut nga Anthony Joshua dhe një nofullë të thyer, pozoi me luks dhe armë në avion privat.
Lini një Përgjigje