FLASH
Shkruar nga Pamfleti
Policia e Krujës ka zbardhur dinamikën e vrasjes që tronditi Niklën mbrëmjen e sotme. Autor i dyshuar për vrasjen është shtetasi Eduart Ahmataj, me të cilin viktima thuhet se ka pasur një konflikt disa ditë më parë.
Ndërkohë trupi i pajetë i Artur ÇanguT është gjetur në një kodër në fshatin Kurrçaj, në zonën e Niklës.
Sipas burimeve paraprake, viktima është konstatuar e shtrirë në tokë, ndërsa mësohet se trupi ishte i kthyer përmbys dhe janë konstatuar shenja plumbash.
Megjithatë, rrethanat e plota të ngjarjes mbeten ende të paqarta, ndërsa forcat e policisë ndodhen në zonë dhe po vijojnë hetimet për zbardhjen e plotë të ngjarjes dhe kapjen e autorit të dyshuar.
"Rreth orës 18:15, në fshatin Vrion, Nikël, dyshohet se shtetasi E. A, gjatë një konflikti për motive të dobëta ka vrarë me armë shtetasin A. C. Shërbimet e Policisë vijojnë kontrollet për kapjen e autorit të dyshuar shtetasit E. A.
Grupi hetimor ndodhet në vendngjarje dhe punon për sqarimin e plotë e rrethanave të rastit dhe dokumentimin e plotë ligjor të tij."-njofton policia.
Lini një Përgjigje