FLASH
Shkruar nga Pamfleti
Publikohen fotot e dy të arrestuarve gjatë aksionit të antidrogës së Tiranës, ku kapën në flagrancë Kujtim Ujka dhe Abdurrahman Rizvani.
Dy të rinjtë u kapën duke transportuar drogë, ndërsa në automjetet e tyre u gjetën 60 kg kanabis sativa, e ndarë në 6 thasë.
Operacioni u zhvillua në zonën e Luzit, Fushë Krujë, ndërsa policia ndaloi për kontroll automjetet e përdorura nga të dyshuarit. Gjatë kontrollit, u gjet sasia e lëndës narkotike në pjesën e pasme të makinës. Ndërsa një tjetër është shpallur në kërkim, pasi dyshohet si bashkëpunëtor në këtë veprimtari kriminale.
Mësohet se lënda narkotike po transportohej nga fshati Blerim i Fushë Arrëzit nga Abdurrahman Rizvani, i cili dyshohet se e ka kultivuar atje dhe po ia sillte për shitje Kujtim Ujkajt.
Në makinën e parë ka qenë i shpalluri në kërkim S.D., i cili ruante dhe vëzhgonte rrugën për patrullimet e policisë. Lëndën narkotike do e dorëzonin në Fushë Krujë te Kujtim Ujkaj, që më pas synonte ta shiste me shumicë në zonën e Kamzës në Tiranë.
Bëhet me dije se një kilogram kanabis do të shitej në vlerë 1200 euro, që në total përkthehet në 72000 euro. Prej disa muajsh Anridroga e Tiranës ka hetuar rastin për mbledhjen e provave dhe kapjen e tyre në flagrancë.
Lini një Përgjigje