FLASH
Shkruar nga Pamfleti
Një anëtar i një grupi të organizuar kriminal ka mbetur i vrarë mëngjesin e sotëm nga të shtënat me armë zjarri në Tivar të Malit të Zi.
Bëhet me dije se identiteti i shqiptarit është Edmond Mustafa.
Policia ka bllokuar qytetin dhe është në kërkim të një ose më shumë autorëve. Dëshmitarët okularë nga restorantet në rrugën ‘Marshall Tito’ thanë se dëgjuan disa të shtëna dhe se viktima ishte i shoqëruar nga një grua.
Mediat lokale raportuan se autori u arratis me një motoçikletë. Shërbimet e urgjencës dhe policia ndodhen në vendngjarje. Policia po vijon hetimet lidhur me ngjarjen.
Edmond Mustafa është një emër mjaft i njohur për autoritet malazeze pasi ishte anëtar i grupit kriminal të Skaljarit. Grup që akuzohet për trafikim droge dhe vrasje.
Kujtojmë se më 1 gusht 2020 rojet e sigurisë Ljubo Miloviq dhe Petar Lazoviq dhe kreu i klanit “Kavaç”, Radoj Zvicer, të zhgënjyer që i Edmond Mustafa po ndryshonte mendje për të bashkëpunuar me ta, organizuan rrëmbimin e tij.
Ata e kanë mbajtur për ditë të tëra në banesën e tyre në lagjen Siti të Podgoricës duke i kërkuar të akuzojë disa anëtarë të bandës kriminale, së cilës i përket, për njëzet vrasje.
Millovic kishte negociuar me të, përmes aplikacionit të koduar Sky, duke u prezantuar si ish-polici Zoran Stanoviq.
Në ditën e fundit të korrikut 2020, kur nuk arritën ta joshin Mustafën, hartuan një plan për ta trembur, por edhe për ta gjetur me ndihmën e burimeve policore duke përgjuar të dashurën, miqtë e tij dhe me ndihmën e stacioneve bazë.
Media malazeze shkruante se nga mesazhet e Lazoviqit të ri, mund të konstatohet se kanë pasur mbështetjen e Lazoviq, i cili në atë kohë ishte ndihmës drejtor i Administratës së Policisë.
Gjithashtu, nga bisedat shihet se Miloviqi ishte edhe iniciator i rrëmbimit të “skaljarcit”, i cili sugjeroi që t’i hidhnin një bombë në shtëpinë e tij për ta shpejtuar.
Lini një Përgjigje