FLASH
Shkruar nga Pamfleti
Një sasi e dyshuar lënde narkotike është sekuestruar nga efektivët e IEVP Fier, ndërsa një shtetas është ndaluar në flagrancë gjatë përpjekjes për ta futur brenda ambienteve të burgut.
Sipas njoftimit zyrtar, droga u zbulua gjatë kontrollit fizik në dhomën e posaçme të verifikimit, ku shtetasit S. P. iu gjet e fshehur poshtë pjesëve intime. Nga verifikimet rezultoi se ai ishte paraqitur për takim me të dënuarin A. M., i akomoduar në sektorin 5, godina C.
Në vijim, S. P. u shoqërua dhe u arrestua, ndërsa u njoftua Prokuroria dhe SHKBB për procedurat e mëtejshme ligjore.
Paralelisht, autoritetet po kryejnë një kontroll të plotë në dhomën ku ndodhej i dënuari, për sende të ndaluara dhe verifikime sigurie.
“Nga verifikimet rezultoi se S. P. ishte paraqitur në institucion për të zhvilluar një takim me të dënuarin A. M., i cili ndodhet në regjimin e sigurisë së zakonshme dhe është i akomoduar në dhomën nr. 10, sektori 5, godina C. Në vijim të veprimeve procedurale, shtetasi S. P. u ndalua, u hartua dokumentacioni përkatës dhe u njoftua Prokuroria, si dhe Specialisti i SHKBB-së, për kryerjen e veprimeve të mëtejshme ligjore”, thuhet në njoftimin zyrtar.
Lini një Përgjigje