FLASH
Shkruar nga Pamfleti
Të shtëna me armë zjarri kanë ndodhur në fshatin Bicaj, në rrethin e Kukësit, ku një 29-vjeçar me inicialet E.H., ka mbetur i plagosur.
Ngjarja ka ndodhur pas mesdite dhe autorët e sulmit janë ende të paidentifikuar. Sipas policisë, i plagosuri është transportuar menjëherë me urgjencë drejt Spitalit të Prizrenit, për të marrë ndihmën mjekësore të nevojshme.
Lajmi është konfirmuar nga Policia e Qarkut Kukës, por ende nuk dihet se cilët persona janë të përfshirë dhe motivet e plagosjes.
"Kukës/Informacion paraprak. Rreth orës 14:20, në spitalin e Kukësit, është paraqitur shtetasi E. H., rreth 29 vjeç, banues në fshatin Bicaj, dyshohet i plagosur me armë zjarri, paraprakisht jashtë rrezikut për jetën.
Nga veprimet e para hetimore dyshohet se ky shtetas është plagosur me armë zjarri gjatë një konflikti për motive të dobëta me një shtetas tjetër, i cili është identifikuar nga Policia, por gjeneralitetet e tij nuk bëhen me dije për momentin, për shkak të hetimit.
Është ngritur grupi hetimor dhe në drejtimin e Prokurorisë Kukës po vijon punën për zbardhjen dhe dokumentimin e plotë ligjor të këtij rasti", njofton policia.
Lini një Përgjigje