FLASH
Shkruar nga Pamfleti
Në një operacion të policisë së Tiranës vuri në pranga shtatë persona, përfshirë këtu tre punonjës të OSHEE dhe një vajzë, pas zbulimit të një magazine të përshtatur për kultivimin e bimëve narkotike.
Kjo magazinë, e vendosur në zonën e Selitës, ka tërhequr vëmendjen e autoriteteve pasi u zbulua se ishte konvertuar në një "shtëpi bari".
Punonjësit e OSHEE të identifikuar si Ervis Pashollari, Elton Cenaliu dhe Gëzim Gjonpali kishin për detyrë të kontrollonin zonën, por nuk raportuan aktivitetin kriminal.
Ishte ish-deputeti Halit Valteri ai që njoftoi policinë pasi vuri re veprimtari të paligjshme gjatë një inspektimi në këtë magazinë.
Në operacionin e zhvilluar nga komisariatet përkatëse, policia gjeti 193 vazo me bimë narkotike të cilat rriteshin nëpërmjet llambave. Nga këto, 183 bimë u asgjësuan me djegie, ndërsa disa u dërguan për ekzaminim në laboratorin e policisë shkencore.
Përveç arrestimeve të kryera në këtë rast, një tjetër operacion u krye edhe në një banesë ku u kap një i ri me dy kilogramë kanabis dhe një fletore ku mbante shënime mbi aktivitetet e tij të shitjes së lëndës narkotike.
Sakaq, vajza 39-vjeçare e proceduar penalisht për “moskallëzim krimi”, dyshohet se kishte dijeni për aktivitetet ilegale, por nuk raportoi në organet kompetente.
Policia ka shpallur në kërkim edhe një person tjetër, i cili dyshohet si pjesë e grupit që merrej me kultivimin brenda magazinës.
Lini një Përgjigje