FLASH
Shkruar nga Pamfleti
Një 47-vjeçar është arrestuar nga policia e Elbasanit dhe 2 punonjës të Drejtorisë së Transportit Rrugor janë shpallur në kërkim në kuadër të operacionit të koduar “Mashtrimi”.
Në pranga ka rënë 37 vjeçari Thanas Beko i cili në bashkëpunim me 2 punonjës të DRSHTRR Elbasan, ka shitur 3 automjete që i kishte marrë me qira.
Në kërkim janë shpallur : R. L., 25 vjeç dhe I. B., 33 vjeç, të dy banues në Elbasan, të dy puonjës të DRSHTRR Elbasan.
Mësohet se Thanas Beko dhe njëri prej punonjësve, kishin marrë me qira 3 automjete dhe më pas u kanë hequr GPS dhe i kanë falsifikuar dokumentet mbi pronësinë dhe dokumentet e tjera, i kanë shitur kundrejt vlerës 20 000 euro.
Sipas njoftimit zyrtar të bluve, janë shpallur në kërkim dy bashkëpunëtorët e tij të cilët janë punonjës të DRSHTRR-së në Elbasan. Mësohet se automjetet i kanë shitur kundrejt vlerës 20 mijë euro. 3 automjetet janë sekuestruar nga Policia, bashkë me 3 celularë.
“DVP Elbasan/Në zbatim të masave të përcaktuara në planin operacional “Sundimi i ligjit”, u finalizua operacioni policor i koduar “Fraud”. Shitën 3 automjete që i kishin marrë me qira, pasi i hoqën GPS dhe i falsifikuan dokumentet, vihet në pranga një 37-vjeçar, punohet për kapjen e bashkëpunëtorit të tij, punonjës i DRSHTRR Elbasan.
Policia po punon edhe për kapjen e një tjetër punonjësi të DRSHTRR Elbasan, pasi dyshohet të ketë ndihmuar këta 2 shtetas, duke falsifikuar dokumentet e pronësisë mbi automjetet. Sekuestrohen 3 automjetet dhe 3 celularë.
Specialistët për Hetimin e Krimeve Ekonomike dhe Financiare të DVP Elbasan, në zbatim të masave të përcaktuara në planin operacional “Sundimi i ligjit”, për goditjen e veprimtarive kriminale dhe vënien përpara përgjegjësisë ligjore të shtetasve që i kryejnë ato, në drejtimin e Prokurorisë pranë Gjykatës së Shkallës së parë të Juridiksionit të Përgjithshëm Elbasan, bazuar në kallëzimin e bërë nga një shtetas që jepte automjete me qira, se i kishin marrë me qira 3 automjete dhe nuk ia kishin kthyer me, kanë organizuar dhe finalizuar operacionin policor të koduar “Fraud”, për zbardhjen e rastit.
Si rezultat i këtij operacioni, në bashkëpunim edhe me shërbimet e Komisariatit të Policisë Elbasan, u vu në pranga shtetasi: Th. B., 37 vjeç, banues në Elbasan. Gjithashtu u shpallën në kërkim shtetasit: R. L., 25 vjeç dhe I. B., 33 vjeç, të dy banues në Elbasan, të dy puonjës të DRSHTRR Elbasan.
Nga veprimet hetimore dyshohet se shtetasi Th. B. dhe shtetasi R. L. kanë marrë me qira 3 automjete dhe pasi i kanë hequr GPS dhe i kanë falsifikuar dokumentet mbi pronësinë dhe dokumentet e tjera, i kanë shitur kundrejt vlerës 20 000 euro.
Për falsifikimin e dokumenteve të automjeteve, shtetasi R. L. ka shpërdoruar detyrën në DRSHTRR Elbasan, në bashkëpunim me punonjësin tjetër, shtetasin I. B. Vijon puna për kapjen e këtyre dy shtetasve, identifikimin dhe kapjen e shtetasve të tjerë të përfshirë në këtë veprimtari kriminale.
3 automjetet janë sekuestruar nga Policia, bashkë me 3 celularë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme”, njofton policia e Elbasanit.
Lini një Përgjigje