FLASH
Shkruar nga Pamfleti
2 persona janë arrestuar nga policia e Durrësit pasi kanë plagosur rëndë një person.
Sipas policisë, 26-vjeçari me inicialet M.Gj dhe 33-vjeçari G.Gj të dy banues në Kavajë gjatë një konflikti për motive banale kanë plagosur me thikë një person.
Ngjarja ndodhi mbrëmjen e djeshme në “Malin e Robit”, ku është plagosur shtetasi S.A i cili fatmirësisht ndodhet jashtë rrezikut për jetën.
“Specialistët për Hetimin e Krimeve të Rënda, në Drejtorinë Vendore të Policisë Durrës, bënë arrestimin në flagrancë të shtetasve:
M. Gj., 26 vjeç dhe G. Gj., 33 vjeç, banues në Kavajë, të dyshuar për kryerjen e veprës penale “Plagosja e rëndë me dashje”.
Nga hetimet dyshohet se më datë 08.06.2024, rreth orës 23:30, në vendin e quajtur “Mali i Robit”, gjatë një konflikti të çastit për motive të dobëta, shtetasi M. Gj. është konfliktuar me shtetasin A. Gj. dhe gjatë konfliktit e ka goditur këtë shtetas, me mjet prerës thikë.
Në konflikt ka ndërhyrë edhe shtetasi G. Gj., i cili ka dëmtuar me mjete të forta, shtetasin M. Gj., si dhe më pas ka goditur me mjet të mprehtë thikë, shtetasin S. A., i cili ndodhet në spital, jashtë rrezikut për jetën.
Grupi hetimor, në drejtimin e Prokurorisë, vijon punën hetimore për sqarimin e plotë të rrethanave të ngjarjes, sigurimin e provave, si dhe për identifikimin e shtetasve të tjerë të përfshirë në këtë konflikt.
Materialet procedurale i kaluan Prokurorisë së Juridiksionit të Përgjithshëm Durrës, për veprime të mëtejshme”, njoftoi policia.
Lini një Përgjigje