FLASH
Shkruar nga Pamfleti
Drejtësia belge ka kërkuar gjithashtu arrestimin e 58 personave, të cilët deri tani ishin hetuar në gjendje të lirë. Dyshohet se këta persona, mes të cilëve shumë shqiptarë, mund të arratisen ose të kryejnë sërish vepra penale.
Gjykata Penale e Brukselit dënoi dje 119 persona si pjesë e gjyqit “Sky ECC”, një nga rastet më të mëdha të drogës në Belgjikë, me dënime nga 14 deri në 17 vjet burg dhe konfiskime masive.
Në total, gjykata penale e Brukselit dha rreth 700 vite burg dhe urdhëroi konfiskimin e rreth 60 milionë eurove, pa llogaritur bonot që do të mbeten në duart e gjykatave.
Gjyqi Encro ka të bëjë me një organizatë të madhe kriminale të çmontuar falë goditjes së policisë së shërbimeve të mesazheve të koduara Encrochat në 2020 dhe Sky ECC 2021.
129 të pandehur (124 persona, katër kompani anonime), duke përfshirë shtetas belgë, shqiptarë, kolumbianë, algjerianë dhe francezë, ishin pjesë e disa bandave të drogës që së bashku formuan një rrjet të madh kriminal që mbikëqyrte kontrabandën dhe trafikun e kokainës dhe kanabisit.
119 persona u shpallën fajtorë për akuza të ndryshme, nga pjesëmarrja në një organizatë kriminale, trafik droge dhe armësh e deri te tentativa për zhvatje e deri tek rrëmbimi.
57-vjeçari algjerian Abdelwahab G., koka për importimin e drogës nga Amerika e Jugut dhe për menaxhimin e logjistikës së rrjetit të madh të drogës, u dënua me 17 vjet.
Prokuroria kishte kërkuar 20 vite, ndërsa mbrojtja e tij kërkoi maksimumi 10 deri në 15 vite, me argumentin se ai ishte vetëm “ndërmjetës”. Gjykata ka konfiskuar edhe pasurinë që i përkiste algjerianit në vlerë prej 15 milionë euro.
Një tjetër prej drejtuesve, 51-vjeçari shqiptar Eridan M, u dënua me 14 vjet burg (një vit më pak se afati i kërkuar nga Prokuroria Federale). 20 milionë euro nga pasuria e tij janë sekuestruar.
Një figurë e tretë kyçe, Bilal I., mori 15 vjet burg dhe iu konfiskuan 3 milionë euro pasuri.
Me 5 vite burg u dënua edhe një ish-oficer policie, i cili u siguronte anëtarëve të bandës informacione sensitive nga bazat e të dhënave të policisë, nga të cilat një pjesë u pezullua.
Drejtësia belge ka kërkuar gjithashtu arrestimin e 58 personave, të cilët deri tani ishin hetuar në gjendje të lirë. Dyshohet se këta persona, mes të cilëve shumë shqiptarë, mund të arratisen ose të kryejnë sërish vepra penale.
Gjykata ka urdhëruar përfundimisht 49 arrestime të menjëhershme nga 58 të kërkuara nga prokurori.
Konfiskimet kapin pjesë e fitimeve të nxjerra nga trafikantët kur shesin kokainë dhe kanabis në Evropë, por këto fitime shpesh janë riinvestuar në pasuri të paluajtshme, veçanërisht jashtë vendit. Belgjikës do t’i duhet të rikuperojë paratë nga shitja e ndërtesave.
Lini një Përgjigje